Il – Maltin , Ghemilhom, Drawwiethom, Grajjiethom (L-ewwel Volum)

Il – Maltin, Ghemilhom, Drawwiethom, Grajjiethom – L-Ewwel Volum

Il-Maltin: għemilhom, drawwiethom, ġrajjiethom huwa r-rakkont tal-ħajja ta’ Maltin u Għawdxin li twieldu fl-ewwel għoxrin sena tas-seklu l-ieħor, sewwasew meta f’ Malta kienet għadha tinħass id-differenza bejn il-ħajja tar-raħal u dik tal-belt. Naqraw l-istorja tal-aħħar tmunier ta’ dgħajsa tal-latini qabel ma daħħlu l-magni, ta’ familja li għexet fil-batterija ta’ Kemmuna, ta’ Wied il-Għajnija għomorha tagħmel il-gambli, ta’ bugħaddas Ġirbi jogħdos bil-libsa tar-ras, ta’ baħri u ħabbież Qormi u oħrajn.

Tispikka l-ħila ta’ kif jirrakkontaw l-episodji ta’ ħajjethom qishom seħħew il-bieraħ, allavolja xi wħud minn dawn imorru lura sal-irvellijiet tas-Sette Giugno. Tinħass il-ħakma li kellhom fuq l-ilsien Malti u toħroġ il-ħlewwa ta’ diskorshom, miżgħud bl-idjomi, bit-tixbiħ u bl-istħajjil imżewwaq bi kliem li qajla tisimgħu llum.

Dan huwa l-ewwel volum ta’ kitba, frott l-erbatax –il sena li l-kittieb Steve Borg iddedika minn ħajtu jintervista lil mijiet ta’ nies, biex iħeġġiġhom jaqsmu miegħu t-tifkiriet personali tagħhom li flimkien jintisġu fil-memorja kollettiva tagħna. Minbarra li ġabar dawn l-istejjer bil-fomm, il-kittieb rifed ir-rakkonti b’riċerka wiesgħa fl-arkivji pubbliċi ta’ Malta u Għawdex. Huwa ttamat li dan ix-xogħol ikkontribwixxa għall-kultura Maltija billi tefa’ d-dawl fuq ħafna tagħrif ġdid.

Minn: Steve Borg

Format: Hardback

Pagni: 282

Kundizzjoni: gdida