Giga Hamsin Sena Wara 1960-2010 – The Crime Of The Century

Giga Hamsin Sena Wara 1960-2010 – The Crime Of The Century

“…aħjar persuna kriminali tiġri barra milli persuna innoċenti tnaqsilha ġurnata mill-liberta tagħha”

Ktieb uniku fuq każ li kien u għadu jwaħħax ‘il Malta w Għawdex kollha. Dan il-ktieb miktub b’reqqa u sengħa mirquma huwa bbażat fuq tiftix profond, twil u mixtarr tajjeb minn uffiċjal għoli w rrispettat tal-korp tal-pulizija Maltija. Hemm bnadi fejn il-ktieb idawwal naħat tal-każ x’aktarx imdallma w mbgħad hemm bnadi li fihom – kif għandu jkun – isaqsi mistoqsiiet pertinenti ġodda w li ħadd ma jista’ jwieġeb. Laqatni l mod professjonali li bih l-Assistent Kummissarju Raymond Zammit idur bl-ikbar reqqa l-kantunieri kollha, kemm tal-qtil waħħaxi u kif ukoll tas-sistema polizjeska w ġudizzjarja. Dan ix-xogħol jikxef ukoll biċ-ċar talent qawwi tas-sengħa tal-kitba li mgħaqqda mas serjeta magħrufa f’xogħolu ta’ pulizija anzjan tagħtina kitba li ġegħlitni naqraha bla nifs f’jumejn. Għalija dan il-ktieb huwa stilla fl-istudju tal-kriminoloġija Maltija.

Profs George G. Buttigieg

Minn: Raymond G Zammit

Format: paperback

Pagni: 392

Pubblikat: 2011

Kundizzjoni: gdid.