Minn: Oliver Friggieri

Publikazzjoni: Klabb Kotba Maltin

Format: Paperback.

Pagni: 712

Ktieb ta' memorji tas-snin 1955-1990, bejn esperjenzi personali, drawwiet soċjali, u battalji tal-partiti politiċi. Rakkont mimli stampi ta' nies, avvenimenti, postijiet, l-aktar ta' Balzunetta, il-Port il-Kbir u l-inħawi. Toroq bla wisq traffiku, tfal nilagħbu kullimkien, nisa bl-għonnella, djar bla televiżjoni, tallaba jorqdu barra, Malta kolonja Ingliża .... L-awtur ipinġi kwadri kurjużi miż-żmien ta' tfulitu sa perijodu mqalleb ħafna fl-Istorja ta' Malta. Jirrakkonta l-ġlieda bejn il-Knisja Kattolika u l-Partit Laburista, kif għexha hu stess, tifel fil-MUSEUM u mbagħad Seminarista, fi żmien l-Interdett. Jippreżenta l-ħajja sempliċi tas-snin ħamsin u sittin, u jħallat episodji privati ma' ġrajjiet drammatiċi fl-epoka ta' Ġorġ Borg Olivier, Dom Mintoff, Karmenu Mifsud Bonnixci u Eddie Fenech Adami. Jirrakkonta kif snin wara ddiskuta din is-sitwazzjoni fil-privat u fit-tul ma' Mintoff, li kien hu stess li bi frażi li qal fil-Parlament - ‘Min m'għandux x'jagħmel jikteb ktieb!' - kien wasslu biex jikteb ir-rumanz ‘Fil-Parlament ma Jikbrux Fjuri (1986).